પોરબંદર રઘુવંશી સમાજ ની પહેલ

સમાજ ની ત્રણેય વાડી અને સમાજ ના ૫૦ યુવાનો સરકાર માટે તૈયાર

પોરબંદર રઘુવંશી સમાજ સરકારની સાથે ઉભો રહી અને સમાજને અનોખું ઉદાહરણ પુરુ પાડી સમાજમાં લોકજાગૃતિ લાવી રહ્યો છે.હાલ કોરોના વાયરસ નો કહેર છે લોકોને ખાનગી કે સિવિલ હોસ્પિટલોમાં જવું પડે છે ત્યાં ચેપ લાગવાનો ભય સતાવે છે ત્યારે પોરબદંર રઘુવંશી સમાજે પોતાની ઉદારતા દાખવી સમાજના તમામ પ્રંસગો મુલત્વી રાખી સમાજની ઉપયોગી વાડી જનતાના ઉપયોગ માટે ખુલ્લી મૂકી દીધી છે અને સરકાર ને કે આરોગ્ય વિભાગને જયારે જરૂર પડે ત્યારે લોહાણા સમાજની ત્રણ વાડી જેમાં તાજાવાલા લોહાણા મહાજન વાડી,ભાણજી લવજી ઘી વાળા લોહાણા મહાજન વાડી અને ગોકાણી હોલ સતત ખુલ્લા રાખી સરકારને જયારે જરૂર પડે ત્યારે કોઈ પણ ચાર્જ લીધા વગર આપવાનો નિર્ણય કરી અનોખી પહેલ કરી છે .લોહાણા સમાજ સેવાકીય પ્રવૃત્તિમાં હંમેશા પહેલ કરે છે ત્યારે દેશ પર આવી પડેલી મહામારીની મુસીબતમાં લડવા સમાજની વાડી સાથે સમાજના 50 યુવાનો પણ ખડેપગે ઉભા રાખવા કટિબદ્ધ બનાવાયા છે. સમાજને નવી રાહ ચીંધી અને રાષ્ટ્રહિતમાં ભાગીદારી નોંધાવવા અને અન્ય સમાજમાં એક દાખલો બેસાડવાનો પ્રયાસ રઘુવંશી સમાજ દ્વારા કરાયો છે. આ પહેલ અંગે રઘુવંશી સમાજના પ્રમુખ સંજયભાઈ કારીયા અને સેક્રેટરી રાજેશભાઈ લાખાણી સહીત ના હોદેદારો એ વહીવટી તંત્રને જાણ કરી હતી ,લોહાણા સમાજ વરસાદ, વાવાઝોડા જેવી કુદરતી આફતો વખતે ગરીબ અને માધ્યમ વર્ગના લોકો માટે સરકારના આદેશ મુજબ જરૂર પડે ત્યારે વાડી આપે જ છે.ત્યારે હાલ ની પરિસ્થિતિ ને ધ્યાને લઇ ને રઘુવંશી સમાજ પોતાની ફરજ ચુક્યો નથી અને ત્રણેય વાડી અને ૫૦ યુવાનો આપવાનો સ્વૈચ્છિક નિર્ણય લીધો છે તો બીજી તરફ પોરબંદર રઘુવંશી એકતા ના હિતેશભાઈ કારિયા એ જણાવ્યું છે કે કોરોના વાઇરસ ની ખુબ જ ગંભીર અસર સમગ્ર દેશ માં જોવા મળી રહી છે.અને સરકાર દ્વારા યુદ્ધ ના ધોરણે સાવચેતી ના પગલાઓ લેવાઈ રહ્યા છે.ત્યારે એક દેશવાસી તરીકે રઘુવંશી એકતા ટીમ પોરબંદર આ સંકટના સમયમા માનવતા ના કોઈપણ કાર્યમા વહીવટીતંત્રને જયારે પણ અમારા લાયક કોઈપણ સેવાની જરૂર પડે તો રઘુવંશી એકતા ટીમ રાજુ કક્કડ , પ્રકાશ રૈયારેલા,સંદીપ દાવડા,પરાગ ભુપ્તા,નીરજ રાજા,હરેશ પોપટ,નંદન દાવડા,નીતિન લાલચેતા,વિનોદ પોપટ, વિશાલ રાયચુરા,તન્મય કારિયા,જય બદીયાણી,પ્રકાશ પાબારી,કપિલ વિઠલાણી સહીત ના યુવાનો ની ટીમ તંત્ર ના માર્ગદર્શન માં સેવાકાર્ય કરવા તૈયાર છે.

close window!